(032) 2 22 04 26

EVOLUXER

EVOLUXER

EVOLUXER- ესპანური საკონსულტაციო კომპანიაა, რომელიც ევროკავშირის მიერ დაფინანსებული პროექტების მართვის და განხორციელების კუთხით მრავალ ქვეყანაში მუშაობს. EVOLUXER- წარმოდგენილია მაღალი კვალიფიკაციის მქონე თანამშრომლებით, რომლებიც  პროგრამებსა და პროექტებს ევროკავშირის პროცედურებისა და პრაქტიკის სახელმძღვანელოს (PRAG) წესების შესაბამისად ახორციელებენ. კომპანია ეხმარება საჯარო სექტორს ევროინტეგრაციის პროცესის წარმატებით განხორციელებაში საკონსულტაციო სამუშაოების და სემინარების ორგანიზების გზით, ევროკავშირში გაწევრიანების და ეროვნული კანონმდებლობის ევროკავშირის კანონმებლობასთან დაახლოების კუთხით. EVOLUXER-ის თანამშრომლები დიდ გამოცდილებას ფლობენ საჯარო მმართველობის კუთხით, როგორც ესპანეთში, ასევე ბრიუსელში, და საჯარო ინსტიტუტების ტრენინგებისა და გაძლიერების პროექტების მართვის გამოცდილი სპეციალისტები არიან. EVOLUXER-ის   მხარდაჭერის მიღება შესაძლებელია ნებისმიერი ტიპის და მასშტაბის პროექტის მომზადების პირველი საფეხურიდან დაწყებული, მის განხორციელებამდე.

 

2015 წლიდან EVOLUXER- ევროკავშირის მიერ დაფინანსებულსასოფლოსამეურნეო კოოპერატივების განვითარების სააგენტოსა და სასოფლოსამურნეო კოოპერატივების გაძლიერების“  პროექტს ახორციელებს საქართველოში, რომელიც ევროპის სამეზობლო პროგრამის სოფლისა და სოფლის მეურნეობის განვითარებისთვის (ENPARD) ფარგლებში მიმდინარეობს. პროექტი მიზნად ისახავს სასოფლოსამეურნეო კოოპერატივების გრძელვადიანი სტრატეგიის განვითარებას, სასოფლოსამეურნეო კოოპერატივების განვითარების სააგენტოს წევრობაზე დაფუძნებულ ორგანიზაციად გარდაქმნას, კოოპერატივების ჩართულობის უზრუნველყოფას მათი განვითარების პროცესში და კოოპერატივების სააგენტოს ორგანიზაციული სტრუქტურის დაახლოებას იგივე ტიპის ევროპულ განვითარებულ ორგანიზაციებთან.
 
აღნიშნული პროექტის ფარგლებში, EVOLUXER-ის მიერ შემდეგი სამუშაო იქნა ჩატარებული: სასოფლოსამეურნეო კოოპერატივების განვითარების სააგენტოს 21 თანამშრომელი გადამზადდა ტექნიკური და მართვის კუთხით, მოკლევადიანი კურსების მეშვეობით, კერძოდ კი პროექტის მართვის, ფინანსური აღრიცხვის, აუდიტის, ბიუჯეტირების და სხვა მიმართულებებით. 105 ტრენერი დაესწრო ტრენერთა გადამზადების სერტიფიცირებულ პროგრამას კოოპერატივების საფუძვლებში და ბიზნეს დაგეგმარებაში. კოოპერატივების 350 წევრი და მენეჯერი დაესწრო სამუშაო ადგილზე ჩატარებულ საბუღალტრო და ანგარიშწარმოების ტრენინგს. კოოპერატივების 1500 წევრი და მენეჯერი დაესწრო გადამზადების მოდულებს კოოპერატივების საფუძვლებისა და ბიზნეს დაგეგმარების კუთხით. პროექტის ფარგლებში EVOLUXER-მა ასევე შეიმუშავა იურიდიული სახელმძღვანელი კოოპერატივების წევრებისა და მენეჯერებისთვის, რომელიც წარმოადგენს ცნობარს სასოფლო სამეურნეო კოოპერატივების წესდებისა და კანონის განმარტებებით. ასევე, განხორციელდა სასწავლო ვიზიტები ესპანეთსა და რუმინეთში, ევროპულ ქვეყნებში არსებული კოოპერატივების მხარდამჭერი ორგანიზაციების ინსტიტუციური განვითარების გამოცდილების გაზიარების მიზნით.