‘ქალები და COVID-19’ – ევროკავშირის მხარდაჭერით წალკის და ქედის ადგილობრივი განვითარების ჯგუფები ვებინარების სერიას იწყებენ

29 აპრილი – 1 მაისი, 2020. –  ევროკავშირის მხარდაჭერილი წალკის და ქედის ადგილობრივი განვითარების ჯგუფები (LAGs), CENN-თან  თანამშრომლობით, გიწვევთ ვებინარების კვირეულში: „ქალები და COVID-19,“ მონაწილეობის მისაღებად. იმის გათვალისწინებით, რომ საზოგადოების ყველა ნაწილში კარანტინს, იზოლაციას და თანდართულ ფინანსურ სტრესს თან სდევს გენდერული ნიშნით ოჯახში ძალადობის შემთხვევების გაგრძელებისა და ზრდის აშკარა საფრთხე ვებინარების თემატიკა პასუხობს კორონავირუსის პანდემიის გავრცლების შედეგად გაჩენილ ქალთა გამოწვევებს. აღნიშნული ინიციატივა ხორციელდება ევროკავშირის ENPARD-ის პროგრამის მიერ მხარდაჭერილი ორი პროექტის “ეს წალკაა” და “ქედა ლიდერი” ფარგლებში.

ვებინარები შეეხება ვირუსის გავრცელების შედეგად, იზოლაციის პირობებში გავრცელებულ ქალთა გამოწვევებს და არსებულ გამოწვევებზე რეაგირების შესაძლო გზებს.

ვებინარები მოიცავს შემდეგ თემებს:

• 29 აპრილი, ოთხშაბათი 14:00 საათი –   როგორ აისახება პანდემია ქალებზე და ეფექტიანი პასუხი გამოწვევებზე
  მომხსენებლები: სალომე ჩაგელიშვილი, ნინო ცქიფურიშვილი, ქალთა ფონდი საქართველოშ
  

• 30 აპრილი, ხუთშაბათი 14:00 საათი –  კორონავირუსის დროს ქალთა მიმართ ძალადობის გაზრდილი რისკები

მომხსენებელი: ეკატერინე სხილაძე, საქართველოს სახალხო დამცველის აპარატი

• 1 მაისი, პარასკევი 14:00 საათი  –  ქალთა წინაშე არსებული გამოწვევების მართვა ადვოკატირების  გზით

მომხსენებლები: კატერინა კუტუბიძე, საქართველოს ქალთა დემოკრატიის ქსელი

ვებინარის ფარგლებში მონაწილეებს ექნებათ კითხვების დასმის შესაძლებლობა. 

ვებინარებში მონაწილეობის მისაღებად, გთხოვთ გაიაროთ წინასწარი რეგისტრაცია. 

შეგიძლიათ მონაწილეობა მიიღოთ როგორც ერთ, ასევე ყველა ვებინარში. 

ვებინარში ჩასართავად დეტალურ ინსტრუქციას მიიღებთ აპლიკაციაში მითითებულ ელ-ფოსტაზე, თითოეული სესიის დაწყებიდან 2 საათით ადრე.

პროექტებს „ქედა ლიდერი“ და „ეს წალკაა“ ევროკავშირის მხარდაჭერილი სოფლის მეურნეობის განვითარების ევროპის სამეზობლო პროგრამის, ENPARD-ის დახმარებით ახორციელებს CENN,  საქართველოს სტრატეგიული კვლევებისა და განვითარების ცენტრი (CSRDG), დემოკრატიის ინსტიტუტთან (IoD), ავსტრიის რეგიონული კვლევებისა და სივრცითი დაგეგმარების ინსტიტუტთან (ÖIR), საქართველოს ფერმერთა ასოციაციასთან (GFA) და სოფლის განვითარების კვლევით ინსტიტუტთან (Ifls) თანამშრომლობით.  

ევროკავშირი მხარს უჭერს სოფლის მეურნეობასა და სოფლის განვითარებას საქართველოში ENPARD-ის პროგრამის დახმარებით. პროგრამა ხორციელდება 2013 წლიდან და მისი მთლიანი ბიუჯეტი შეადგენს 179.5 მილიონ ევროს. ENPARD-ის ძირითადი მიზანი საქართველოში სოფლად სიღარიბის დაძლევაა. პროგრამის პირველი ფაზის პრიორიტეტი სოფლის მეურნეობის განვითარების ხელშეწყობა იყო, ხოლო მეორე და მესამე ფაზა მიზნად ისახავს სოფლად მცხოვრები ადამიანების ეკონომიკური განვითარების შესაძლებლობების შექმნას არამარტო აღნიშნულ სექტორში. მეტი ინფორმაციისათვის ეწვიეთ ENPARD-ის ვებ–გვერდს: www.enpard.ge.